[Նոր հայեր] Ո՞վ է Վալետայի միջազգային մրցույթի հաղթող, ծագող աստեղ դաշնակահար Արմեն-Լևոն Մանասերյանը

Newmag.am-ը գրում է.

Վերջին չորս ամսում սա  դաշնակահարի երկրորդ հաղթանակն է: Երևանի Պ.Ի. Չայկովսկու անվան միջնակարգ մասնագիտական երաժշտական դպրոցի սանը և Կոմիտասի անվան պետական կոնսերվատորիայի դաշնամուրային բաժնի շրջանավարտն այժմ ուսումը շարունակում է Բելգիայի Լիեժի թագավորական կոնսերվատորիայում: Զբաղվում է նաև համերգային գործունեությամբ: Բելգիայում անցկացվող «Վիտրաժ» երաժշտական փառատոնի հիմնադիրն ու գեղարվեստական ղեկավարն է:

ԵՐԿՈՒ ԱՆՎԱՆ ՊԱՏՄՈՒԹՅՈՒՆԸ

Երկու պապիկներիս անուններն են: Ծնողներս են այդպես որոշել: Եկեղեցում Արմեն անունով եմ կնքվել, անձնագրով՝ Լևոն: Հիմնականում Արմեն են դիմում, ու ես պատվով եմ այն կրում: Պապս՝ դոկտոր պրոֆեսոր Արմեն Մինասյանը, հայտնի մանկական վիրաբույժ էր, փրկել է հարյուրավոր կյանքեր: Երկար տարիներ ղեկավարել է Երևանի 1-ին կլինիկական հիվանդանոցի մանկական վիրաբուժության բաժանմունքը:

ԿՅԱՆՔԸ՝  ԵՐԱԺՇՏՈՒԹՅԱՆ, ԵՐԱԺՇՏՈՒԹՅՈՒՆԸ՝ ԿՅԱՆՔԻ ՄԵՋ

Երաժշտության մեջ կա նաև նկարչության  չափաբաժին: Դասախոսներիցս մեկը տպավորիչ համեմատություն էր անում երաժշտության մեջ, երբ ֆորտեից միանգամից անցնում ես դեպի պիանո, ասում էր՝ պատկերացրեք, որ կարմիրը փոխվում է կապույտի, տարբերությունը պետք է զգացվի: Երաժշտության մեջ կա գույն, պոեզիա, երաժշտության մեջ կա նաև մաթեմատիկա,կա այն ամենն, ինն առկա է կյանքում: Կյանքը՝ երաժշտության, երաժշտությունը կյանքի մեջ է:

Ամբողջական հոդվածը կարող եք կարդալ այստեղ